ബെർലിൻ: ആഗോള റാങ്കിംഗിൽ ജർമൻ പാസ്പോർട്ട് നാലാം സ്ഥാനത്തേക്ക് താഴ്ന്നു. 16 വർഷത്തിനിടയിലെ ഏറ്റവും താഴ്ന്ന റാങ്കിംഗാണ് ഇത്. ഹെൻലി ആൻഡ് പാർട്ണേഴ്സ് ആണ് വീസഫ്രീ അഥവാ വീസ ഓൺ അറൈവൽ എൻട്രി അനുവദിക്കുന്ന രാജ്യങ്ങളുടെ എണ്ണം അനുസരിച്ച് റാങ്കുകൾ തയാറാക്കുന്നത്.
ജർമൻ പൗരന്മാർക്ക് 185 രാജ്യങ്ങളിലേക്ക് വീസയില്ലാതെ യാത്ര ചെയ്യാൻ കഴിയും. നിലവിൽ റാങ്കിംഗിൽ ഒന്നാം സ്ഥാനത്ത് സിംഗപ്പുരാണ്. 192 രാജ്യങ്ങളിലേക്ക് വീസ രഹിത പ്രവേശനം അനുവദിക്കുന്നു.
ജപ്പാനും ദക്ഷിണ കൊറിയയും രണ്ടാം സ്ഥാനം പങ്കിടുന്നു. ഡെൻമാർക്ക്, ലക്സംബർഗ്, സ്പെയിൻ, സ്വീഡൻ, സ്വിറ്റ്സർലൻഡ് എന്നീ രാജ്യങ്ങൾ മൂന്നാം സ്ഥാനത്താണ്.
2024ൽ ജർമനി പട്ടികയിൽ ഒന്നാം സ്ഥാനത്തായിരുന്നു. 2025ൽ മൂന്നാം സ്ഥാനത്തും.